Amawulire

Enjovu zisengudde abantu

File Photo: Enjovu nga etambuula mu Paaka

Eggana ly’enjovu amakumi 30 okuva ku mulirwano mu Democratic ya Congo liwalirizza abantu bikumi na bikumi mu okuva mu maka gaabwe mu ggombolola ye  Kihiihi mu distikuliti ye Kanungu .

Ssentebbe we ggombolola ye Kihiihi Nelson Natukunda atugambye nti enjovu zibatisizza nga zatandise okwesogga Uganda okuva ku lw’okusatu nga ziri mu byalo okuli Kameeme, Kyenyabutongo ne Kyumbugu mu muluka gwe Kibimbiri.

Bano bagamba emmere yaabwe okuli kasooli, muwogo, omuceere, Lumonde n’ebirala byonooneddwa.

Bategezezza nti mu mwaka gwa 2009 pulezidenti Museveni yali yabasuubiza okuzimba olukomera olw’amasanyalaze mu kitundu kino naye nakati tekikolebwanga.

Kati akulira okuleabirira obutonde bwa ddungu mu ttale mu kkumiro ly’ensolo erya Queen Elizabeth National Park Benon Mugerwa akakasizza kino n’asuubiza nti tebatudde.