Amawulire
Endaga butonde zikoleddwa ku ba crestfoam
Ab’enganda z’abantu omukaaga abafiiridde mu muliro ogwakutte kkampuni ya Crest Foam bajjiddwaako omusaayi okukakasa obukwate baabwe n’abegenzi olwo basooke bafune emirambo gyaabwe
Bino bibadde ku kkeberero ly’endagabutonde erisangibwa e Wandegeya
Omwogezi wa poliisi Patrick Onyango agambye nti okwawukanako n’ebibadde bigambibwa nti endagabuntonde zakukolebwa bweru wa ggwanga, byonna byakukolebwa wano
Onyango agambye nti basobodde okufuna ab’enganda zonna era nga batunuulidde ba maama b’abagenzi nga n’abamu babajje mu byaalo nga e Tororo.
Abagenzi bategerekese nga Cyrus Sooka, Stephen Owere, Ofwono Agal, Joseph Oboth, Gerald Oyo n’abadde dereeva ategerekeseeko erya Eddy.
Bano nno bayidde nebasirira nga kizibu okwawula emirambo gyaabwe era nga y’ensonga lwaki edagabutonde zino zikoleddwa ku mirambo gyaabwe n’abenganda zaabwe.