Amawulire

Empigi baakubaga eteeka ku bulungi bwansi.

Bya Mbogo Sadat.

District ye Mpigi etegeezeza nga bwegenda okuyisa eteeka erikaka abantu okukola bulungibwansi emirundi ebiri buli mwezi ku buli kyalo.

Kino ekyama  kibikuddwa ssentebe wa district y’e Mpigi, Peter Clever Mutuluza ku mukolo ogw’okukwasa ekikopo n’ebirabo ebirala eri ekyalo ekyasinze ebyalo ebirala mu kukola obulungi mu nkola eya “Tukwatire wamu, twezze buggya”.

Ekyalo ekya Kiwumu “A” okuva mu gombolola y’e Kamengo kyekinywedde mu binnaabyo akendo n’obubonero 84% era kiweereddwa ekikopo ekya zzaabu nga kino kiddiriddwa Lwaweebwa okuva mu ggombolola y’e Kituntu .

Mutuluza asabye abakulembeze b’amagombolola okubakwasizaako nga district  nabo bakole ekintu ky’ekimu bayise amateeka ku bulungibwansi