Amawulire

Emivuyo gisusse- Bannakyewa

File Photo: Police nga ekwata omukumi wa mbabazi

Ebibiina byobwanakyewa bisabye bannayuganda okwongera okuvumirira n’okwesamba obuvuyo obugenda mu maaso mu kulonda kuno okubindabinda.

Nga ayogerako nebannamawulire akulira omukago ogugatta ebibiina by’obwanakyewa Richard Ssewakiryanga ategezezza nga bwebuli obuvunanayizibwa bwabuli munnayuganda okuvumirira ebikolwa bino.

Agamba okulonda okwamazima kuyinza obutasoboka nga obubinja bw’abakubi b’emiggo bwongera okutendekebwa sso nga n’omugaso gw’abaziyiza emisango abatendekebwa tegunategerekeka.

Agamba bekikwatako nga akakiiko k’ebyokulonda, poliisi wamu n’abesimbyewo bwebalina okuddamu okutuula balabe nga okulonda kuno kutambula mu mirembe.