Amawulire

Ekiri e Mbale- wakanya Mbabazi ofune 20,000

File Photo: Mbabazi ngali ne Museveni

Poliisi erabiddwako mu tawuni y’eMbale nga ekuuma abakubira pulezidenti Museveni Kampeyini nga bagabira abateberezebwa okubeera abawagizi ba pulezidenti ensimbi okuwakanya  Mbabazi nga azze mu kitundu kino okwebuuza ku balonzi be olunaku lw’enkya.

Amyuka aduumira poliisi ekkakanya obujagalalo mu bitundu by’e Bukedi Sam Omalla y’akulembeddemu abaserikale ba poliisi okuli aduumira poliisi mu bitundu bya Elgon, Omwogezi wa poliisi mu bitundu ebyo Diana Nandawula n’abaserikale ba poliisi banji abali mu ngoye zabuliggyo.

Bano batunudde butunuzi nga abakutira pulezidenti Museveni akadingidi bagabira buli aggya ku kifo kya Mbale Sports Club 20,000.

Wabula omwogezi wa poliisi mu bitundu bino Diana Nandawula ategezezza nga bwebatemezeddwako nti waliwo abawagizi ba Mbabazi abaabadde abaabadde batandise okugaba ebipande bye n’ebirala ebikuba kampeyini.

Wabula Nandawula yebalamye ebibuuzo lwaki poliisi etunudde butunuzi nga abantu bagabana ensimbi zino n’ategeeza nga bwewatali bujulizi bulaga nti ensimbi zino zibadde ziweebwa bantu kuwakanya Mbabazi nga azze e Mbale.