Amawulire

Ekimotoka kisaabadde enyumba

Omwana ow’emyaka 4 afiiridde mu kabenje akagudde wali ku luguudo lw’e Masaka oluvanyuma lw’ekimotoka ki lukululana okusaabala amaka g’omutuuze.

Ekimotoka kino namba UAP 545S kiremeredde omugoba waakyo nekisaabala amaka ga Christine Natumbwe nekitta omuzzukulu Leticia Namiiro,  ate abantu abalala 9 bawereddwa ebitanda ng’embeera mbi nyo.

Aduumira poliisi y’ebidukka mu disitulikiti ye Mpigi Michael Ensinekweri  agamba omugoba w’ekimotoka kino abadde asumagira, ekiviriddeko akabenje.

Abalumiziddwa bakwaliddwa mu ddwaliro lye Mulago okwongera okufuna obujanjabi.