Amawulire

Ekikwekweto ku babba amazzi

Ab’ekitongole ky’amazzi ekya National Water and Sewerage Corporation batongozezza ekikwekweto okukwata abo bonna ababba amazzi.

Ekikweketo ekisooka kikoleddwa mu bitundu bye kiwaatule era nga kikutte akulira omuzikiti gwe Kiwaatule ategerekese nga  Abubakar Lugobe.

Abalwanyisa omuze guno abakulembeddwaamu Eng. Baker Kansiime bagambye nti omuzikiti guno gubadde gwakabba amazzi ga bukadde 10 emyaka kkumi emabega ng’ono kati wakusasula obukadde 8 mu ngassi.

Omusajja ono awereddwaayo poliisi nga n’okunonyereza bwekugenda mu maaso.

Kansiime agambye nti era mu kikwekweto kino bakutte abantu abalala ababadde banyaga amazzi

Kigambibwa nti aba national water bafiirwa akawumbi kalamba buli mwaka olw’abo ababba amazzi.