Amawulire

Ebyuma bizze

Akakiiko k’ebyokulonda katuusizza   ebyuma 32000 bikali magezi ebigenda okweyambibibwa okwekenenya abalonzi ku lunaku lw’okusuula akalulu omwezi ogujja

Ebyuuma bino byakukebera ebinkumu by’abuli omu nga era biraga ebikwata ku mulonzi na wa gyeyewandisiza era newalina  kulondera .

Ssentebe w’akakiiko k’ebyokulonda eng Badru Kigundu  agamba ebyuuma bino byakukozesebwa mu bifo webalondera 28,010  okwetolola eggwanga lyonna okwewala okubba obululu .

Ebyuma bino bilimu tekinologiya ow’omulembe nga byetekako ku ssaawa 8 okulonda wekulina okutandikira olwo nebyeggyako ku ssaawa 11 ez’olweggulo nga okulonda kugaddewo.

Ebyuuma bino bitongozeddwa omukubiriza w’olukiiko lw’eggwanga Rebecca Kadaga wali ku Hotel Africana.

Kadaga asabye abantu abalina obulemu ku mibiri gyabwe n’addala abewalula n’abatalina ngalo bayambibwe nabo balonde bulungi nga abantu abalala.