Amawulire

Ebya UNEB byandibaamu akavuyo

Ssentebe wa UNEB , Fagil Mande kyaddaaki ayogedde ku bizibu ebiri mu kitongole ky’akulembera.

Agamba nti ekireese obuzibu kifo kya ssabawandiisi, Mathew Bukenya eyalekulira nga buli omu akyagaala.

Omuntu akola omulimu guno asasulwa obukadde 17.

Mande era ayagala wabeewo n’okunonyereza ku alipoota eyakolebwa ng’esonga ku mivuyo mu UNEB .

Bw’atuuse ku bagala alekulire, Mande agambye nti kino asobola okukikola kyokka ng’amaze kufuna bukakafu nti emirimu gimulemye.

Bino byonna bizze nga waliwo okutya nti ebigezo byandifuluma ekikeerezi olw’ekyuuma ekibikolako okufa.