Amawulire

Ebya Crestfoam bituuse mu palamenti

Ensonga z’omuliro ogwakutte kkampuni ya Crest Foam abantu mukaaga bamale bafe etuuse mu palamenti.

Kati abakiise b’abakozi mu palamenti bagaala wabeewo okunonyereza ku muliro guno era alipoota eyanjibwe sso ssi kussibwa mu nkwaawa

Ng’ayogerera mu palamenti olweggulo lwaleero, omubaka w’abakozi Arinaitwe Rwakajara agambye nti abantu omukaaga omulamba okufa tekisaanye kutwalibwa ng’eky’olusaago.

Ono awagiddwa babaka banne okuli Elijah Okupa, Joseph Sewungu ,Kaps Hasan Fungaroo ne Geoffrey Ekanya nga bano kyokka era benyamidde nti ensonga ng’eno ekubaganyizibwaako ebirowoozo nga ba minisita tebaliiwo kale nga biyinza okusigala mu buwandiike

Wabula minisita omubeezi akola ku bigwabitalaze Musa Echweru agambye nti poliisi y’ekola ku kunonyereza era nga bakukolagana nayo mu kino.