Amawulire

Ebiragalaragala bikosezza ebyenfuna

File Photo : Omusajja nga anya enjaga

Bannayuganda okwongera okukozesa ebiragalaragala kitunuuliddwa ng’ebimu ku kusoomozebwa okwamanyi okwolekedde  eby’enfuna by’eggwanga.

Okutya kuno kulagiddwa abakugu mu kujanjaba abalwadde b’emitwe nga eggwanga likuza olunaku lw’okulwanyisa okukozesa ebiragalaragala.

Ng’ayogerako nebannamawulire wano mu kampala, akulira eddwaliro ly’abatabufu b’emitwe erye  Butabika David Basangwa agambye ku buli  balwadde 800 bebafuna, 250 kiba kivudde ku kukozesa biragaralalagala.

Basangwa agamba abavubuka bebasinga okukosebwa mu kino sso nga bebandibadde bakolerera eggwanga okukulakulana. Kale nga omugaso gwabwe eri eggwanga gukendeera ol’wokutabuka emitwe.

Mungeri yeemu akola nga kamissiona akulira ekitongole ekirwanyisa ebiragalalagala mu kitongole kya poliisi ekinonyereza ku misango James Kyomukama agamba abavubuka basobola okwetuusako mangi ebiragararagala bino kubanga tebabiseera nga ne ku 500 ofuna.