Amawulire

E Mpigi Abazigu Basse Kansala Wa’bavubuka

Bya Shamim Nateebwa

Entiisa ebutikidde abatuuze be Mpambire mu distrct ye Mpigi abaziggu bwebasse Kansala w’abavubuka nebaleka mukazi we nga bamutemyetemye nga bamulese bamusibye emigwa.

Tadeo Ssebunya Kasule owemyaka 30 ngabadde musuubuzi w’ebizimbisibwa yatiddwa.

Ono abatemu okumutta  baamusanze mu maka ge nebamutematema, nebamuleka ngataawa wabula, afudde nga yaakatuusibwa mu ddwaliro e Nsambya.

Akulira poliisi ye Mpigi, Ronald Mugarura ategezezza ngabatemu bwebalinnye ekikomera kya Ssebunya nebagwa munda, yagenze okukomawo awaka ne mukazi we nga babalindiridde era olwabadde okuggulawo oluggi, omu ku bazigu n’amutema ekiso ku mutwe.

Mukazi we Sophia Nakijoba yabadde agezaako okukuba enduulu naye nebamutema ekigere ne bamusiba emiguwa nga bagala ssente.

Mugarura ategezezza nti banoonyereza ku ttemu lino.