Amawulire

Dr Rugunda akakasiddwa- Mbabaiz amuwaanye

Palamenti emaze okuyisaamu Dr Ruhakana Rugunda nga ssabaminisita omuggya

Ababaka awatali kwetemamu bibiina abawerea ddala 217 beebawagidde Rugunda abeere ssabaminisita ku babaka 225

Sipiika Rebecca Kadaga ayisizaamu Rugunda yadde nga waliwo ekibinja ekibadde kiwakanya eky’omukulu ono okufuuka ssabaminisita nga bamulumiriza okwezibika ensimbi z’olukiiko olugatta bannakyeewa ne bannabyafuzi  ku nongoseresa mu mateeka g’eby’okulonda

Kadaga agambye nti ofiisi ye yanonyereza ku nsonga eno, poliisi ne kaliisoliiso bonna nebakakasa nti teyezibika nsimbi

Kadaga ayozayoozezza Rugunda okufuuka ssabaminisita  n’amusaba obutatekawo muziziko gwonna mu by’empeereza y’emirimu

Ng’amaze okuyisibwaamu, Rugunda agambye nti omulaka wakugusimba mu bweruufu n’okuwa embalirira ku nsimbi y’omuwi w’omusolo.

Abadde ssabaminista Amama Mbabazi atenderezza omusika we Dr Ruhakana Rugunda gw’agamba nti alina obukugu okuddukanya ekifo kino obulungi

Mbabazi abadde awagira ekiteeso ekiyisaawo Rugunda ku bwa ssabaminisita mu kukubaganya ebirowoozo okubadde mu palamenti

Ekiteeso ekiwagira okuyisaamu Rugunda nga ssabaminisita kireeteddwa amyuka omukulembeze w’eggwanga Edward Kiwanuka Ssekandi ne kiwagirwa minisita w’ebyokwerinda Dr Crispus Kiyonga, Mathias Nsubuga, Sam Otada ne  James Akena.

Ng’awagira ekiteeso kino, minisita Kiyonga agambye nti Rugunda yava dda ng’alaga obukugu mu bukulembeze bw’abayizi

Yye amyuka omukulembez w’eggwanga Kiwanuka Sekandi asoose kusoma bikwata ku Rugunda nga tannasaba nti ayisibweewo okubeera ssabaminisita