Amawulire

Doola epadde n’ekaabya abantu

Abasuubuzi baakuno batandise okuloza ku bulumi bwa doola okulinya nga siringi yyo eyongera kunabuuka.

Akawungeezi akayise  doola ya amerika  y’abadde egula  siringi  3,000 .

Ssentebe w’ekibiina ekigatta abasuubuzi bomu Kampala ekya KACITA Everest Kayondo  agamba abasuubuzi banji bandisuulawo bizinesi kubanga ebyamaguzi n’ensimbi zopupangisa babisasula mu doola.

Kayondo  agamba embeera yandiyongera okwononeka mu kulonda kw’omwaka ogujja olwa gavumenti okwongera ku nsasanya yaayo okutambuza okulonda kuno.

Okunabuuka kwa siringi tekukosezza basuubuzi bokka , wabula nebananyini bibanda ebikyuusa ensimbi.

Omusasi waffe alambudde ebibanda ebimu n’akizuula nti kati abaguzi ba doola batono ddala kale nga emirimu gitambula kasoobo.

Hakim Sekaaya ow’ekibanda kya  Bicco forex bureau agamba kati amagoba matono era n’asaba banka enkulu ebeeko nekyekola okuzza siringi engulu.