Amawulire

Buganda Royal Institute etikkidde

Katikkiro wa Buganda Owek Charles Peter Mayiga ayagala ettendekero lya Buganda Royal Institute lifuuke eky’okulabirako eri amatendekero k’ekika kino mu kitundu kya East Africa.

Ng’ayogerera ku mikolo gy’okutikkira abayizi, katikkiro agambye nti emisomo gy’omumitwe gisaanye okwongerwaamu amaanyi ebbula ly’emirimu bweriba nga lyakuggwaawo.

Ono agamba nti abakulembeze ba gavumenti mu kitundu ky’obuvanjuba bwa Africa basaanye okuwagia kino bwebaba nga bakuyamba abavubuka abatalina mirimu.

Asabye abatikkiddwa okubeera abayiiya ennyo bwebaba nga bakuyimirirawo mu nsi eno

Abayizi abali mu 933 beebatikkiddwa nga kubano 464 bawala ate 469 balenzi.