Amawulire

Brenda Nabukenya bamumezze

Bya Ruth Andera

Kkooti ejulirwamu akakasizza  munna NRM  Lillian Nakate ku kifo ky’omububaka omukyala owa disitulikiti ye Luweero.

Abalamuzi 3 okuli amyuka ssabalamuzi w’eggwanga Steven Kavuma, Paul Mugamba ne  Alfonse Owiny- Dollo  basazizzaamu eky’omulamuzi wa kkooti enkulu David Batema eyasazaamu  Nakate ku nsonga z’okugulirira abalonzi n’okumenya amateeka g’ebyokulonda.

Nakate  naye yaddukira mu kkooti ejulirwamu mu June w’omwaka oguwedde era kkooti nerangirira nti ekifo kino kikalu era abeeno baddemu okulonda.

Munna DP  Brenda Nabukenya yeyasooka okwekubira enduulu mu kkooti enkulu nga alumiriza Nakate okuwa abalonzi emitwalo 10 mu gombolala ye Butuntumula .