Amawulire

Bingi ebisaanye okukolebwa okutumbula abakyala

Bya Juliet Nalwooga

Banakyewa abalwanirira eddembe lyabakazi mu mukago ogwa Forum for Women in Democracy (FOWODE), bagamba nti wakyaliwo ekinene ekitekedwa okukolebwa, ku nsonga yokukendeeza ku miwendo gyabakazi abakabasanyizibwa.

Ssentebbe owa booda, olukiiko olwa waggulu oluddukanya ekitongole kino, Joyce Tamale, ategezezza nti ku buli bakazi 5, omu abeera yatuusibwako obuvune mu bikolwa byokukabasanyizibwa, ngebibalo bino biri waggulu bwogerageranya ku basajja.

Tamale bino yabibulidde banamawulire mu kwetegekera ebikujjuko ebyokukuza olunaku lwabakyala olwensi yonna, olugenda okuberawo nga 8 March.

Agambye nti wakyaliwo nebikolwa bingi, ebiboola abakyala ebyetaga okukyisibwa mu mpisa nobuwangwa.