Amawulire

Besigye e Mukono, Nambooze bamungoodde, Mbabazi ayagala nkyukakyuka

Akutte bendera y’ekibiina kya FDC Dr Kiiza Besigye asabye abantu obutakoma kulonda wabula bakuume akalulu okutuuka nga kalangiriddwa

Besigye abadde atalaaga disitulikiti ye Mukono.

Besigye yegattiddwaako omubaka w’ekitundu Betty Nambooze, Erias Lukwago, Ibrahim Semuju Nganda, John Ken Lukyamuzi n’abalala.

Wabula Nambooze basoose kumugaana kwetaba mu Lukiiko luno nga bamulanga butawagira Dr Kiiza

Ono anunuddwa omubaka Ssemuju Nganda ne Ingrid Turinawe.

Yye pulezidenti Museveni akiremeddeko nti omuwendo gwa ba minisita be ssi gwemunene era gavumenti esobola okubalabirira.

Pulezidenti abadde ayanukula eyali ssabaminisita we Amama Mbabazi eyategeezezza nti kavuna alya obuyinza ba minisita bakusalibwa okutuuka ku 30 bokka.

Museveni agambye nti omwaka omulamba, obuwumbi 2000 zeezisasaanyizibwa ku ba minisita n’abakozi abalala nga zino ssi zenyingi ennyo.

Museveni agambye nti nebw’anaddamu okuwangula ssiwakusala ku bakozi mu gavumenti kubanga gavumenti esobola okubalabirira.

Yye nno owa Go- Forward Amama Mbabazi ali Mpigi ng’asabye abantu okumwegattako okuleeta enkyukakyuka awatali kuyiwa musaayi