Amawulire

Basatu bakwatiddwa lwa Mbabazi

Abantu 3 bakwatiddwa ku byekuusa ku kutimba ebipande okuli ebifananyi  bw’eyali ssabaminisita w’eggwanga John Patrick Amama Mbabazi .

2 bakwatiddwa wano mu Kampala sso nga omulala ategerekese nga Robert Kabagambe ’akwatiddwa e Kabale.

Omwogezi wa poliisi mu ggwanga  Fred Enanga era  ategezezza nga bwebaliko emmotoka gyebakutte nga ekubyeko ebipande bya Mbabazi.

Enanga agamba baasindise dda basajja baabwe okutimbululayo ebifananyi bya Mbabazi byonna nga era abaakwatiddwa baakugulwako omusango gw’okukuba kampeyini nga ekiseera ekigere tekinatuuka.