Amawulire

Baryamureeba ajja ku bwa pulezidenti

Eyali amyuka ssenkulu w’ettendekero ly’e Makerere  Pulofeesa  Venancius Baryamuleeba alangiridde nga bw’agenda okwesimbawo ku bwa pulezidenti omwaka ogujja.

Nga ayogerako nebannamawulire amakya galeero, Baryamureeba ategezezza nga bw’agenda okwesimbawo bwanamunigina era ssiwakugyira mu kibiina kyabyabufuzi kyonna.

Ategezezza nga bwayagala okulaba nga empeereza y’emirimu erongooka mu ggwanga nga era wakufa nyo ku byenjigiriza.

Baryamureeba says the country needs good leadership and not a soilders.

Bw’abuuziddwa lwaki yesowoddeko kati , Baryamureeba ategezezza nga bannayuganda okuva mu bibiina by’obufuzi ebyenjawulo bazze bamusaba yesimbewo nga era waliwo n’ebibiina by’obufuzi bibiri ebyamusembye yesimbewo ku lwabantu.

Baryamureeba nga ogyeko okubeera omumyuka wa ssenkulu w’ettendekero ly’e Makerere , y’aliko akulira essomero lya Tekinologiya ku ttendekero lyerimu.

Y’aliko ssentebe w’olukiiko olugatta yunivasite za East Africa n’ebifo ebyobuvunanyizibwa ebirala by’abaddemu.

Baryamureeba era awangudde ebirabo ebimusiima bingi olw’emirimu gy’azze akola.

Omukenkufu Baryamureeba alina diguli eyokusatu mu ssomo lya  Computer Science okuva mu yunivasite ya  Bergen okuva mu ggwanga lya Norway.