Amawulire

Bantariza aluyiseeko

Eyali akulira ettendekero ly’ebyobufuzi erya Kyankwanzi Col. Shaban  Bantariza asambira mabega nga jjanzi .

Kiddiridde okwejerezebwa emisango gy’okwezza Tulakita ebadde egambibwa nti yaweebwawo minisitule y’ebyensimbi wabula Bantariza n’agyezza nga agamba nti yagigula ku bukadde 67 .

Wabula abantu 7 abatuula ku kakiiko ka kkooti y’amagye nga bakulembeddwamu ssentebe waako Maj Gen Levi Karuhanga akizudde nti tulakita eno ddala yagulwa sso ssi kuweebwayo minisitule y’ebyensimbi nga oludda oluwaabi bwelubadde lutegeeza.

Abatuula ku kkooti eno bonna 7 bakkiriziganyizza nga oludda oluwaabi bwelulemereddwa okuleeta omujulizi yenna okuva mu minisitule y’ebyensimbi ne mu Akamba Uganda ewagambibwa okugulibwa tulakita eno.

Olumugudde mu matu, Col Bantariza ategezezza nga bw’asonyiye bonna baalumiriza okumulwanyisa.