Amawulire

Bannauganda abali mu UAE basabiddwa okwewandiisa badizibwe e Uganda

Bya Nalwooga Juliet,

Minisitule y’ensonga z’omunda mu ggwanga esabye Bannayuganda abakyawagamidde mu ggwanga lya United Arab Emirates (UAE) okwewandiisa okuzzibwa okwaboobwe nga nsalesale eyateekebwawo owa October 31 tannaggwaako.

Mu kwogerako ne banamawulire ku kitebe kya poliisi e Naguru, Simon Mundeyi, omwogezi wa minisitule eno ategeezezza nti balowooza nti Bannayuganda nga 75,000 be babeera mu UAE mu bukyamu.

Agamba nti abo abanaasigala nga nsalesale aweddeko bakuweebwa engassi nga bagoberera amateeka ga UAE.

Ku wiikendi gavumenti yakomyawo bannayuganda 156 abaabadde babonabonera e Dubai.

///////////////////////