Amawulire

Bannabyamizannyo bakusisinkana akakiiko ka Palamenti akalondoola enkozesa y’ensimbi za Gavumenti

Bya Mike Sebalu. Abakulembeze b’ekibiina ekivunanyizibwa ku mizaanyo egy’enjawulo omuli eky’okumupiira gw’okubaka ki Uganda Netball Federation, Abazannyi ssaako n’abakulembeze b’ekyo ekivunanyizibwa ku bikonde ki Uganda Boxing Federation, leero basuubirwa okulabikako eri akakiiko ka Public Accounts committee aka Parliament ku nsonga z’ekibiina ekibagatta ki National Council of Sports babeeko byebatangaaza ku ngeri gyebavujjilirwa NCS.

Akakiiko kano akakulirwa omubaka Medard Lubega Sseggona ssabbiiti eno y’emu kaasisinkanye aba National Council of Sports nga bakulembeddwamu Ssaabawandiisi Bernard Patrick Ogwel nekabaako byekabasoya.

Newankubadde Sarah Babirye Kityo abadde akulira Uganda Netball Federation, Minister w’eby’enjigiriza n’emizannyo Janet Museveni yasalawo addeko ebbali anonyerezebweko, mu kakiiko kano naye asuubirwa okubaayo.