Amawulire
Banamateeka ba Nambooze badukidde mu kakiiko akalera edembe ly’obuntu.
Bya Ruth Anderah.
Banamateeka abakikirira omubaka we Mukono munisipalite Betty Nambooze Bakireke badukidde mu kakiiko akalera edembe ly’obuntu nga baagala kayingire mu nsonga za muntu waabwe akyagaaniddwa okutwalibwa e bunayira ajanjabibwe.
Bano baagala akakiiko kano kakozese obuyinza bwako obukaweebwa mu kawayiro 53 aka ssemateeka okulagira police okuyimbula Nambooze agende e India okufuna obujanjabi.
Kinajukirwa nti ku lunaku lw’omukaaga Nambooze yagiibwa e Naggalama natwalinwa e Kiruddu okujanjabibwa, kyoka okuva olwo police ekyamugaanye okugenda e India ayongere okwekebejjebwa.
Kati ekiwandiiko kyabwe akakiiko kakifunye, era akadde konna kakwanukula