Amawulire

Banadiini bakyalidde abasibe e Mubende

Bya Magembe Sabiiti

Abasibe mu kkomera lye Kaweri mu disitulikiti ye Mubende bafunye akamwenyumwenyu ku matama, bannadiini mu Kigo kya Our Lady of Fatima e Mubende  bwe babakyaliddeko okulaba embeera gyebalimu n’okubawa obubaka bwamazalibwa.

Banadiini bagamba nti basanze ngabasibe bangi balwawo okuwozesebwa n’omujjuzi nga mungi mu buddukulu.

Abamu ku basibe abogeddeko naffe bategezeezza nga bwebakwatibwa ku misango gy’okutta  abantu  abalala gya  nkayana za ttaka ngabamu bamaze ebanga elisoba ne myaka 3 ne 4 nga tebawozesebwanga mu kooti.

Fr Emmanuel Mwerikande asinzidde mu missa ey’okusabira abasibe bano nalaga obwenyamivu olwe kitongole  ekiramuzi okulwawo okuwozesa abasibe nasaba abalamuzi okufaayo ku ddembe lya bantu bano.

Akulira amakomera mu disitulikiti ye Mubende Bukenya John ngera yakulira ekkomera lye Kaweri ategezeezza nti ekkomera lino likadiye  nga balina abasibe 274 mu okusukka ku basibe 100 beritekeddwa okubeeramu.