Amawulire

Babiri Babakutte Bookya T-Shairt za Museveni

KAMPALA

Bya Damalie Mukhaye

Police mu masekati ga Kampala eriko abavubuka 2 begalidde, bwebasangiddwa nga bookya emipiira ne T-Shirt za president Museveni nga bekalakaasa okuwakanya, ennongosereza eziwulirwa mu ssemateeka okujjayo ekkomo ku myaka gyomukulembeze we gwanga.

Abakwate bebamu ku bavubuka abekiwayi kya Jobless brotherhood, nga babadde bekaaliisa awo ku Mutsasa Kafeero ne T-shirt eza kyenvu okuli ebifananyi bya president Museveni , oluvanyuma nebakumyeko omuliro, okulaga obutali bumativu bwabwe.

Abavubuka bano babadde 4, nga balekanira waggulu nga bawera nti kavuna ssemateeka we gwanga anakwatibwamu kanamujjutuka.

Poliisi ebaguddemu nebabuna emiwabo, wabula  babiri nebakwatibwa.

Atwala poliisi yoku Wilson Road, Ituuza Nduhura ategezezza nti bano bakwatiddwa olwokukola akavuyo , nga kati batwalibwa ku kitebbe kya poliisi mu Kampala.