Amawulire

Ba Nakyewa Bawakanyizza Okulonda kwe Byalo Okutegekebwa FDC

Bya Benjamin Jumbe

Omukago gwebibiina byobwanakyewa ogwa NGO Forum gulabudde ku kulonda kwe byalo okwogerwako okugenda okutegekebwa aboludda oluvuganya gavumenti.

Kino kidiridde eyakwatira ekibiina kya FDC bendera mu kulonda kwobwa presidenti okwaggwa Dr Kizza Besigye okulangirira nga bwebagenda okutegeka okulonda kwobukiiko bwe byalo kabanga gavumenti erabika eremereddwa omulimu gwayo.

Wabula Ssenkulu wa NGO Forum, Richard Sewakiryanga atubuliidde nti ekikulu kwekwongera okuteesa ne gavumenti okubalaga obukulu bwokulonda kwe byalo so ssi kuwaganyala.

Alabudde nti bwenategeka okulonda okwabwe nebalonda ba ssentebe be byalo ne gavumenti jebujja neronda abaayo kiyinza okuvaako obukubagano nokulwanagana eyo ku byalo.