Amawulire

Asse Mukyala we naye neyetta

Bya Malikh Fahad

Entiisa ebutikidde abe Kimanya mu district ye Masaka, mutuuze munaabwe bwakidde mukyala we namutta naye neyetuga.

Bino bibadde ku kyalo Kitabazi mu division ye Kimanya Kyabakuza.

Emmanuel Kavuma yakidde mukyala we Frolence Nalubega namutta, bwabadde tanaba naye kwejja mu bulamu.

Okusinziira ku balirwana, bino byaliwo ennaku emabegako, nga bawulidde kivundu ekibadde kiva mu nnyumba, nebayita poliisi ennyumba nemenyebwa  kwekugwa ku mirambo.

Kiteberezebwa nti omwami abaddenga nendoliito ezitaggwa mu maka ne mukyala we.

Omwogezi wa poliisi mu maserengeta ge gwanga Lameck Kigozi ategezeza nti basobodde okujjayo emirambo okuva mu nnyumba nejitwalibwa mu gwanika.

Agamba nti okunonyereza kwakukolebwa okuzuula ebisngawo, wabula nasaba bafumbo okuddukiranga ku poliisi obutatuuka ku kino.