Amawulire

Amuriat alayidde olwaleero

Bya Dmalie Mukhaye

Presidenti wekibiina kya FDC omugya Patrick Amuriat Oboi akubye ebirayiro byue olwaleero mu butongole.

Amuriat alayidde wamu nabakulembeze bekibiina abagya abalondeddwa, omukulo ogukulembeddwamu munnamateeka Ladislous Rwakafuuzi ku kitebbe kyekibiina e Najanankumbi.

Guno gwemulundi ogwokubiri, ono okulayira oluvanyuma lwokusazaamu ekirayiro kyeyasooka okukuba nga yakalondebwa e Namboole, olwamateeka agatagobererwa.

Abalala abalayidde kliko Francis Mwikyukye nga ye muwanika omugya, ate Habibu Muwembo nga muwandiisi era avunayizbwa ku bakozi.

Mwikyukye asubizza okuwangayo akakadde 1 buli mwezi, mu kawefube okukunga banakibiina okusonda ensimbi ezokuddukanya emirimu mu jkibiina.