Amawulire

Amerika yeeganye Mbabazi

Ekitebe kya America mu Uganda kyegaanye ebigambibwa nti kyakanze okujjako Uganda obuyambi ssinga gavumenti emala n’eremesa eyali ssabaminisita Amama Mbabazi okwebuuza ku balonzi.

Mu kiwandiiko ekifulumiziddwa omubaka wa Amerika mu Uganda Scot Delisi,Amerika agambye nti terina Muntu gw’ewagira mu kalulu akajja nga bannayuganda beebalina okwelondera omuntu gwebagaala.

Delisi agambye nti omulimu gwaabwe kulaba nti ebibiina byonna bitambula bulungi mu Uganda n’okukola ku nsonga eziruma abantu.

File Photo : Mbabazi nga yogeera

Delisi Wabula agambye nti ng’akalulu kajja kasembera, bajja kuggya bagoberera ensonga okulaba nti eggwanga libaamu akalulu k’amazima n’obwenkanya.

Yye minisita w’ensonga z’omukulembeze w’eggwanga Frank Tumwebaze awakanyizza amawulire agabadde gatambuzibwa nti Mbabazi yakkiriziddwa okugenda e Mbale.

Tumwebaze agambye nti ogwaabwe kulaba nti tewabaawo kavuyo konna ng’etteeka likirambika bulungi

Ono agamba nti k’abe pulezidenti Museveni tebasobola kumukkiriza kukuba Lukiiko mu katale oba mu kifo omuli abantu abangi nga poliisi tekkirizza