Amawulire

Amayembe galumbye essomero

Ab’obuyinza mu gombolola ye Kasambya e Mubende basazeewo okuggala essomero lya gavumenti erya Nakawala Primary School okumala Ssabbiiti namba olw’ebigambibwa okuba ebyokola  okuzingako abayizi ne bibasula eddalu nga n’abamu bafiiriddwa obulamu.

Omukulu  w’esomero lino Amiisi Kitunzi ategezezza nga  bwebaawaliriziddwa okugalawo esomero lino okusobola okutaasa obulamu bwa bayizi.

Kino kimaze emyezi mukaaga  era ng’embeera eno eviiriddeko abayizi okudduuka mu ssomero lino nga ku bayizi 800 abaali balisomerako, 30 bokka beebasigaddewo.

Abamu ku bazadde ku ssomero lino aboogeddeko naffe baliko omusomesa amanyiddwa nga Saidi Lukenge gwebalumiriza okugula ebyawongo bino n’ekigendererwa ek’yokufuna obugagga.

Ssentebe we gombolola ye Kasambya George William Ssentongo ng’ali wamu n’omukiise ku lukiiko lwa disitulikiti ye Mubende Sheifu Magezi bategezezza nti abatuuze akadde konna bandiva mu mbeera ne batwalira amateeka mu ngalo singa abatwala eby’okwerinda e Mubende tababaako kyebakolawo era kwekusalawo okugira nga essomero baligadde bamale okukkakanya embeera.