Amawulire

Amasomero 2 okuva mu district y’e Adjumani gawanduse mu mpaka z’omupiira agw’ebigere

Bya Mike Sebalu. Waliwo amasomero ga siniya 2 okuva mu bitundu bya West Nile agawanduse mu mpaka z’amasomero ga siniya ez’omupiira ng’esigadde ennaku bbiri zokka empaka zino zijjibweko akawuuwo mu kibuga Fort Portal.

Amasomero gano kuliko Alere SS ne St James SS Dzaipi nga gaamaze nadda okuwandiikira abategesi okukakasa nga bwegatagenda kusobola kwetaba mu mpaka zino olw’ebbula ly’ensimbi.

Bino olugudde mu matu gabategese nabo kwekukwata olukomo lw’essimu nebaluwugumiza essomero lya Dynamic ss okuva e Mukono okugenda lijjuze ekimu ku bifo ebilekeddwawo nga bikalu.

Abategezi balina essuubi nti webunazibira bajja kuba bafunye essomero eddala elijjuza ekifo ekisigaddewo basobole okuweza omugatte gw’amasomero 64.

Kati West Nile yakukikirirwa essomero limu lyokka erya Arua SS.

Amasomero gatandika okutuuka ku ssomero lya Nyakasura ss leero ng’eno empaka gyezigenda okuyindira okumala ssabiiti bbiri nambirira.

St Mary’s Kitende bebalina ekikopo kino.

End