Amawulire

Alipoota ya Bamugemereirwe esooka efulumye

Bya Sam Ssebuliba

Catherine Bamugemereire nga yogeera

Omukulembeze we gwanga Yoweri Museveni awereddwa alipoota eyekiseera, okuva eri akakiiko keyalonda okunonyereza ku mivuyo gye ttaka mu gwanga.

Ssentebbe wakakiiko kano, omulamuzi Justice Catherine Bamugemereire, akwanze President Museveni alipoota yaabwe eyekiseera nebyo byebakazuula, mu nsisinkano gyebabaddemu ku Kawumu State Lodge.

Omulamuzi Bamugamereire atendererza enegri abantu gyebawagiddemu akakiiko nokukettanira, okwogera ensonga zaabwe.

Akakiiko katudde okumala ennaku 120 nekafuna okwemulugunya kwa mirundi 4,900 nekawulirako 287 ate enkayna endala eziri mu 600 zikyanonyerezebwako.

Alipoota eyekiseera ewabudde gavumenti ku nsonga nnyingi ezitekeddwa okukolanbwa okumalawo ekibba ttaka, okusinga okuli okuddamu okwekennenya nokulongoosa ebitongole ebikola ku ttaka

Alipoota era ewabudde nti ebitongole, ebikwatibwako bigwana okuyamba okussa mu nkola ebyo ebinokoddwayo.

Kati omukulembeze we gwanga asubizza nti wakulonda abantu abalala okukola nakakiiko, okulwanyisa ekibba ttaka, ngayogedde ku basirikale ba poliisi aba waggulu abatendeke obulungi ne banamateeka.