Amawulire

Alipoota ku crestfoam tennaba kufuluma

Poliisi y’akukwata abakulira ekkolero ly’emifaliso erya Crest Foam ku muliro ogwakutte ekkolero lino omwafiiridde abantu 6 nga bamaze okufuna alipoota okuva eri minisitule y’ebyemirimu n’entambula ku kizimbe ekyabengeye.

Olunaku olweggulo minisita w’ebigwa tebiraze n’ebibamba Hillary Onek y’alagidde bano bakwatibwe olw’okulemererwa okutuukiriza ebirina okugobererwa mu kwewala omuliro.

Wabula omwogezi wa poliisi mu ggwanga  Fred Enanga agamba nti baakuyita abakulu bano beyanjule ku poliisi nga bamaze okufuna n’okwekenenya alipoota eno.

Agamba baakukunya abakulira ettendekero lino nga basinziira ku alipoota eno okulaba oba bano baalagajadde oba nedda.

Olunaku lw’eggulo emirambi gy’abagenzi gyatwaliddwa mu ggwanika mu ddwaliro ekkulu e Mulago nga bwebalindirira okukeberebwa endaga Butonde ekimanyiddwa nga DNA okumanya ebibakwatako.