Amawulire

Akuliddemu abalondesa awambidwa

File Photo: Obuuma obukozesebwa mukulonda

E Bukomansimbi okulonda kukyankalanye  ku kisaawe kye Kasansula oluvanyuma lw’abantu abatanategerekeka okuwamba akuliddemu abalondesa.

Akavuyo kabaluseewo oluvanyuma lw’abawagizi b’ekibiina kya NRM abatanategerekeka okulumba webalondera n’obululu bwebamaze okulonderako nga era bawagizi b’omu ku besimbyewo ku bwa ssentebe bwa disitulikiti Musa Mbaziira.

Ssentebe wa disistulikiti eno Hajji Muhammad Kateregga nga naye yesimbyewo   ategezezza bannamawulire nti wakuloopa eri akakiiko k’ebyokulonda okulonda kusazibwemu mu bifo ewabadde akakyankalano.

Abantu 3 bebavuganya ku bwa ssentebe bwa disitulikiti eno okuli eyesimbyewo kululwe Dr. Livingstone  Kayondo, muna NRM  Musa Mbazira  n’owa JEEMA  Katerega Muhammad.

Ate ku kyalo  Kijomanyi  abawagizi ba NRM bakkananye ku ssentebe w’ekibiina kya DP ow’ekyalo nebamukuba mizibu oluvanyuma lw’ebigambibwa nti abasanze bagulirira abalonzi.

Frank Ssebuma  alondodde abawagizi bano n’abakuba n’ebifananyi nga bagabira abantu sukaali nga tebanagenda kulonda olumulabye nebamuwuttula tebali ku ba lugambo.

Omubaka we Kalungu West Joseph Ssewungu  ategezezza nga ensonga enio bweyagitutte dda ku poliisi nga era Ssebuuma avuddemu amanyo nga kati ali mu ddwaliro.