Amawulire
Akabenje kasse basatu e Iganga
Poliisi etandise okunonyeraza ku kabenje omwafiiridde abantu 3 akawungeezi akayise wali e Iganga.
Akabenje kano kaagudde kumpi n’omugga gwe Nakalama oluvanyuma lwa taxi eyabadde edda e Busia okulemerera omugoba waayo n’ekuba akafunvu neyevulungula enfunda eziwera.
Akulira poliisi y’ebidduka e Iganga William Bariyo agamba akabenje kano kabaddewo wakati mu namutikkwa w’enkuba olwo dereeva wa takisi nga takyalaba gy’alaga.
Abafudde bonna baabadde batudde mu maaso nga era bategerekese nga Farouk Kyabatende nga ono yeyabadde dereeva, Richard Wabwire ne Simon Mulege bano nga batuuze mu municipaali ye Busia.
Emirambo gitwaliddwa mu ggwanika mu ddwalira ly’e Iganga okwongera okwekebejebwa.