Amawulire

Akabenje kasse babiri e Mpigi

Bya Sadati Mbogo

Police y’ebidduka e Mpigi eriko ddereeva w’emotoka gweyigga oluvanyuma lwokukola akabenje akasse abantu babiri amakya ga leero mu nkuba etonnya.

Ayiggibwa ye Manisuuli Mugalu abadde avuga mmotoka ekika kya forward ey’omusenyu namba UAX 379/U etomereganye ne Lorry Isuzu namba UBA 208/R mu kibira ky’e Mpanga okumpi n’aka tawuni ke Kalagala ku luguudo oluva e Kampala okudda e Masaka mu district y’e Mpigi.

Akulira police y’ebidduka mu kitundu kya Katonga, Ruth Kyobutungyi agambye nti abantu abalala 3 balumiziddwa nebatwalibwa mu ddwaliro lya Double Cure e Mpigi ate abafudde n’abamenya nga Katende Andrew ne Namukwaya Mary Gorreth ngemirambo gyabwe jitwaliddwa mu gwanika e Gombe.

Okunonyereza kulaze nti akabenje kavudde ku kuvugisa kimaama n’okuseerera kwoluguudo.