Amawulire

Agambibwa okuba omubbi wémotoka attibbwa

Bya Prossy Kisakye,

Omuntu omu afiiriddewo olw’ebisago by’afunye oluvannyuma lw’okukubwa amasasi abaserikale ba flying squad mu kikwekweto ekikoledwa ku kyalo Gganda mu Munisipaali y’e Nansana mu disitulikiti y’e Wakiso.

Okusinzira ku amyuka omwogezi wa Poliisi mu Kampala ne mirirano, Luke Owoyesigire, ekikwekweto kino kiddiridde okubba emmotoka nnamba UAQ 571 B eya munnamawulire weyabadde agipaakinze mu kibuga.

Nga bakozesa akatambi ka CCTV abaserikale okuva mu flying squad basobodde okuzuula agambibwa okubba emotoka eno, eyategerekese nga Busingye Lawrence Amoti aka Mutooro era nga kyazuuse nti abadde nyyo mu bubbi bwemotoka

Baamugoberedde okutuuka e Gganda gye baamukubidde amasasi era ebyembi limu ne limukwata oluvannyuma yaafa.

Emmotoka eteeberezebwa okuba nga yabbibwa Mutooro nayo yazuuliddwa e Gganda mu Nansana.