Amawulire

Afudde Waragi

Entiisa ebutikidde abatuuze be Lugusuulu  mu disitulikiti ye Sembabule oluvanyuma lw’okugwa ku mulambo gwamunaabwe eyafudde waragi.

Jackson Nkiranuye 40 okuva ku kyalo Kabulasoke asangiddwa nga afiiridde ku faamu ya mukamawe Perez Kwizuka oluvanyuma lw’okwekatankira entabaaza bakadde awatali kulya.

Kwizuka ategezezza nga omukozi we ono bweyamusabye ssente okugenda okugula ebijanjaalo eby’okulya ewaka wabula ssente zonna y’azimalidde mu bbaala.

Omulambo gwa Nkiranuye gusangiddwa ababadde bagenda ku luzzi nga era omulambo gwe gubadde gugangalamye kumpi n’akasiko akagenda ku luzzi.

Abamu ku batuuze bagamba nti baabadde bonna ne Nkiranuye nga batobya emimiro wabula kibabuuseeko okufuna amawulire nti omumbejja namalwa y’amukongozze ekiyitiridde n’amukanula.

Omwogezi wa poliisi mu bukiika ddyo bw’eggwanga akakasizza okufa kw’omugenzi n’alabula abantu okwewala okwekamirira entabaaza bakadde mungeri yekyeyononero.

Abantu okufa  waraji e Masaka ssi kipya nga omwezi oguwedde omusajja owemyaka Muchunguzi 28 a resident of Kajju Village, kachera Sub County in Rakai district died in waraji competitions after taking 3 liters of waraji.