Amawulire
Abigenda mu maaso mu kkooti byakukwatibwa ku butambi
Essiga eddamuzi lyakutandika okukwata ebigenda mu maaso mu kuwoza emisango ku butambi.
Kino kibukuddwa ssabalamuzi w’eggwanga omujja Bart Katureebe n’ategeeza nga bwekijja okuyamba okwekenenya ebikwata ku misango egitali gimu nga era kwakwanguyiza abalamuzi emirimu gyabwe.
Katureebe agamba eno yemu ku nteekateeka z’okulaba nga ebikolebwa essiga eddamuzi kati biterekebwa ebyuma bikalimagezi ebya compyuta.
Bw’abadde akwasibwa ofiisi mu butongole okuva eri gwadidde mu bigere Benjamim Odoki, Katureebe era ezzemu omulanga gw’esiga lye okwongerwa ku nsimbi okusobola okutambuza obulungi emirimu.
Nga awaayo ofiisi, omulamuzi Benjamin Odoki ategezezza nga bwali omumativu nti emudidde mu bigere ddala ye muntu omutuufu.