Amawulire

Abesimbyeewo bakuddamu okukontana

File photo: Abesimbyewo nga bakuntana

Kimaze okukakasibwa nti nga 13 omwezi guno, abesimbyeewo ku bukulembeze bw’eggwanga baakuddamu okusindana mu kukubaganya ebirowoozo.

Ssabawandiisi w’olukiiko olutegese okukontana kuno Joshua Kitakule agamba nti ensonga enkulu ezigenda okwogerwaako kwekuli emirembe, eby’okwerinda, enkolagana ya Uganda n’amawanga amalala, kko n’ebya bamusiga nsimbi.

Anyonyodde nti abamu ku bamaze okukakasa kwekuli Maj. Gen. Benon Biraro, Col. Dr. Kizza Besigye, Maureen Walube Kyalya, Dr. Abed Bwanika, Amama Mbabazi ne Joseph Mabirizi.

Yye pulezidenti Museveni tannaba kukakasa era nga n’okukubaganya ebirowoozo okwasooka teyakwetabaamu.

Abagenda okukubiriza okukubaganya ebirowoozo kuno kwekuli Nancy Kacungira ne Allan Kasujja kyokka nga bakyayogereza ne Shaka Ssali okulaba nti abegattako.