Amawulire

Ab’enganda z’oyo gwebasse batabuse- kiki ekyasse Johnnie

File Photo: Abagalana abatebelezebwa okuuta Johnnie

Ab’enganda z’omuvubuka eyattibwa mu bbaala ya gavana basabye poliisi okwanguya okunonyereza ku kufa kw’omuntu waabwe amazima gaveeyo.

Daniel Ssembogga nga ye muto wa Johnnie Tumuhimbise ategeezezza bannamawulire ku poliisi ye Naguru nti bagaala wabeewo okunonyereza ku nsonga eno okuzuula engeri mukulu we gyeyafuddemu.

Ahimbisibwe yattibwa ku ssaawa nga mwenda ez’ekiro mu bbaala ya Gavana oluvanyuma lw’okufuna obutakkaanya ne musangi we

Abaddukanya bbaala ya Gavana bagamba nti Ahimbisibwe yafudde nga bakamutuusa ku Case medical oluvanyuma lw’okufumitibwa giraasi eyatise ku bulago.

Omwogezi wa poliisi Fred Enanga agamba nti okunonyereza kukyagenda mu maaos nga balindiridde alipoota y’abasawo okuzuula oba Ivan Kamyuka eyasse Johnnie yabadde tatabuse mutwe mu kaseera keyattiddemu musangi gwe

Kamyuka ne mukyala we Nina bakyakuumirwa ku poliisi.