Amawulire

Abe Makerere bavuddeyo ku kutemula omwana

Ssenkulu w’ettendekero lya Makerere Prof Mondo Kagonyera avumiridde abayizi abatandise okutwalira amateeka mu ngalo ku ttendekero lino.

kino kiddiridde ebbiina ly’abayizi okukakana mu eyali omuyizi ku ttendekero lino David Ojok nebamukuba nebamutta ku kisulo kya Nkurumah.

Kagonyera agamba poliisi esaanye okunonyereza era abo bonna abetaba mu ttemu lino bavunanibwe.

ono era atadde abakulira abayizi ku ninga okulwana okulaba nga abayizi bakyuusa mu neyisa yaabwe ey’okutwalira amateeka mu ngalo n’efujjo.