Amawulire

Abe Kayunga bagenze okunoonya abaabwe abandiba nga baasadakibwa

Bya Eria Lugenda

Abatuuze okuva mu district ye Kayunga nebitundu byeggwanga ebyenjawulo na buli kati bakyesomboola okugenda ku kyaalo Kisoga mu gombolola ye Nazigo okulaba oba banaazuula abantu baabwe abagambibwa okuba nti baabula mungeri etategeelekeke.

Kino kiddilidde esabo lyomusamize Owen Ssebuyungo okusimulwaamu ebisigalira byabantu 5 ekikwekweeto ekyakoleddwa  abekitongole kya CMI nga bali wamu ne
police ye Nagalama.

Omu ku batuuze abasangiddwa mu kifo kino, Wasswa Anthony ku kyaalo Namagabi B mu district ye Kayunga  agambye nti
ye nebapangisa banne  bamaze emyezi egisoba mu 6 nga tebalaba
ku Land Loodi waabwe amannyiddwa nga Ssebunnya  ngoono yali mutabani womugenzi Abduul Kasule.

Ono nebanne  bagambye nti batebereza ngo naye alabika yatibwa mu ssabo lya Ssebuyungo.

ebimu ku bisigalira byabantu 5, kwateregerekeseeko Zulayika Mirembe nabasajja abalala 4, ngokunoonnyereza poliisi egamba nti kukyagenda mu maaso.