Amawulire

Abe Bukomansimbi batabukidde Museveni

Abavubuka ba NRM e Bukomansimbi basanyizawo ebiyitirirwa ebyazimbiddwa okwaniriza pulezidenti Museveni mu kitundu lwabutasasulwa.

Ebiyitirirwa bino bibadde bizi9mbiddwa mu katawuni ke Butenga nga bagamba baamaze obudde bwabwe okuyoyota ekitundu wabula nebatafuna mpeera yaabwe.

Nga bakulembeddwamu ssentebe w’abavubuka mu gombolola ye Butenga  Ronald Jjuuko,  bategezezza nga bwebazze basaba okusisinkanam abakulembeze b’ekibiina mu kitundu kino wabula nga babebalama.

Jjukko agamba baamaze olunaku lulamba mu Kasana nga balinda omubaka wa pulezidenti ayogereko gyebali ku nsonga y’okubasasula wabula nga talabikako.

Wabula ssentebe wa NRM e Bukomansimbi Shafic Mwanje asabye abavubuka bano okusigala nga bakkakamu kubanga ensonga zaabwe zikolebwako.

Bino webijidde nga Pulezidenti Museveni ayolekera gutundutundu gw’e Masaka okwongera okusaggula akalulu akanamuzza mu buyinza.

Pulezidenti Kyajje akomekereze kampeyini ze mu bitundu bye Bunyoro nga era atandikira Sembabule akomekereleze e Bukomansimbi.

Ye munna  Go-forward John Patrick Amama Mbabazi asuubirwa Kamwenge, sso nga  Dr Col Kiiza Besigye olwaleero awumuddemu.