Amawulire

abbye omugugu

Poliisi ye Mukono eriko omusajja gwetasizza okuva ku basuubuzi ababadde baswakidde oluvanyuma lw’okumukwata lubona nga abbye omugugu gwa munaabwe.

Ono ategerekese nga Wasswa Tadeo abadde tamanyiddwa bimukwatako alagidde omwetissi amutwalire omugugu wabula ogutabadde gugwe, nanyini gwo Nakacwa Josephin agenze okujja nebamugamba nti gutwaliddwa kwekusuula enkessi mu katale komubuulo wonna.

Oluvanyuma alabiddwako nga agusengula agwongerayo ekijje abasubuzi nebava mu mbeera nebamwambalira, wabula poliisi eyitiddwa mu bwangu yemutasizza.

Kati akumibwa ku poliisi e Mukono nayenga agaanye okwogera ebikira ebimukwatako.

Ssentebbe wabasubuzi mu katale ka Kame Valley Market Ssentamu Godfrey agambye nti obubbi basukiridde nyo naddala ku lunaku lwakatale komubuulo ngate abamu bekobaana nabasubuzi benyini.

Alaze obweralikirivu eri poliisi nti oluusi tebayamba kimala kubanga bakwata ababbi naye batuuka kikerezi ekivirako okutwalira amateeka mu ngalo nga nabamu babayimbula nebalya butaala.