Amawulire

Abazungu bafiiridde mu kabenje

Abazungu babiri  nga bannansi b’eggwanga lya Australia  bafiiridde mu kabenje k’emmotoka akagudde ku luguudo oluva e mubende okudda e mityana

Akabenje kano kagudde  ku kyaalo Kisekende mu kafo akamanyiddwa nga Minzaani kilomita nga 3 ng’ova mu kibuga Mubende.

Abazungu bano abatannaba kutegerekeka  mannya babadde batambulira ku pikipiki ey’ekika kya  B M W nga bava kampala okudda e fort portal ne bakonagana ne motoka  kika kya Land cruiser no UAN 642 T ebadde eva efort portal ng’edda e Kampala bombi nebafiirawo.

Akulira poliisi y’ebidduka e mubende Alex Mulamuzi akakasizza akabenje kano k’agambye nti  kavudde ku kuvugisa endiima.

Emirambo poliisi egitutte mu ddwaliro e Mubende okwekebejjebwa nga n’okunonyereza ku kivuddeko akabenje kano bwekugenda mu maaso.