Amawulire

Abayunivasite ye Kyambogo bakyediimye

Ak’ediimo k’abasomesa ba yunivasite ye Kyambogo kayingidde olunaku olwokusatu era nebalabula nti ssibakudda ku mirimu okutuusa nga omusaala gwabwe ogwemabega gusasuddwa.

Abasomesa abasoba mu 700 ku lwokubiri baateeka wansi ebikola nga bagamba babanajayo okuva mu January okutuusizza ddala mu April ensimbi eziri eyo mu buwumbi nga 3.

Ssentebe w’ekibiina ekigatta abasomesa bano  Dr. Grace Lubaale  agamba ensimbi zino kuliko ezokuwa abayizi ebigezo, okubigolola wamu n’okugenda abaana gyebali mu kwegezaamu mu nkola ya Internship

Agamba abayizi bali mu kwegezaamu mu makampuni agenjawulo nga betaaga okulondoolwa kale nga tekisoboka nga abalina okukola kino tebalina ssente.

Amyuka ssenkulu wa yunivasite eno Prof Elly Katunguka agamba baafunyeko akawumbi nga kamu okusasulako ekitundu.