Amawulire

Abayizi bakubye omusomesa

Abayizi ku ssomero lya St.Peters SS Namawojjolo mu disitulikiti ye Mukono bavudde mu mbeera nebakkakkana ku musomesa nebamukuba emiggo nebamuleka nga apooca.

Siraje Nsubuga nga y’akulira eby’ensoma mu ssomero lino, abayizi bamulumbye mu kiro ekikeseza olunaku olwaleero nga bamulumiriza okubakuba ng’emiggo awatali musango.

Ono bamukubye n’asigala kikuba Mukono, era poliisi okuva e Mbalala y’emutaasizza.

Poliisi esobodde okukwata omuyizi wa siniya ey’okusatu Farouk Ssenyondo ng’ateberezebwa okukulemberamu banne.

Atwala poliisi ye Mbalala Agnes Anyu ategeezezza nga bwebaggalidde omuyizi ono, okubayambako mu kunonyereza.

Ye omusomesa okubiddwa atwaliddwa mu ddwaliro okwongera okufuna obujanjabi.