Amawulire

Abayizi ba Leos Junior e Masaka basimatuse okufa

Bya Malik Fahad,

Abaana abasoba mu 100 eb’essomero lya Leos Junior School e Masaka basimattuse akabenje, oluvanyuma lw’emmotoka mwebabade batambulira okuggwa ku kabenje ku luguudo olugatta Masaka –Kampala, nga boolekera Jinja.

Akabenje kano kagudde Mpambire mu Mpigi, baasi omubadde abaana bano UBL 197X eya St Jude Senior secondary school e Masaka bweyingiridde emmotoka endala ebadde eyimiridde ku kkubo nga yeetise amatooke.

baasi endala number UAN 760P omubadde aba Blessed Sacrament Kimanya Senior secondary school nayo azze ate netomera baasi eno efunye akebenje.

Charles Ssemuddu omu kubeerabiddeko n’agaabwe ng’akabenje kano kagwawo atubuulidde nti emitawaana gyivudde ku mmotoka yamatooke eyafiiridde ku kkubo, kyoka abaagibademu ne balemwa okusaawo obubonero obulaga nti yafiridde ku kkubo.

Ali Kaggwa amyuka akulira esomero lya St Jude i atubuulidde nti mpaawo mwana yakoseddwa, kyoka ye omugoba ali mu ddwaliro.